Ўзбекистон Республикаси Интерактив давлат хизматлари ягона портали (қисқача — ЯИДХП) — давлат хизматлари рақамли шаклда тақдим этиладиган онлайн платформа ҳисобланади. У давлат органлари томонидан кўрсатиладиган электрон давлат хизматларига ягона кириш нуқтаси вазифасини бажаради.
   ЯИДХП Ўзбекистон Республикасини ривожлантиришнинг 2017–2021 йиллардаги бешта устувор йўналиши бўйича Ҳаракатлар стратегиясини амалга оширишга қаратилган Давлат дастури доирасида, “Халқ билан мулоқот ва инсон манфаатлари йили” муносабати билан ишлаб чиқилган бўлиб, Ўзбекистон Республикаси Президентининг 2017 йил 7 февралдаги № УП-4947-сонли Фармони билан тасдиқланган.
   Ўзбекистон Республикаси Интерактив давлат хизматлари ягона портали тўғрисидаги Низом Ўзбекистон Республикаси Вазирлар Маҳкамасининг 2017 йил 15 сентябрдаги № 728-сонли “Ўзбекистон Республикаси Интерактив давлат хизматлари ягона портали орқали электрон давлат хизматлари кўрсатиш тартибини такомиллаштириш чора-тадбирлари тўғрисида”ги қарори билан тасдиқланган.
   Ягона портал имкониятлари ҳақида батафсил маълумотни қуйидаги ҳавола орқали олиш мумкин.

- давлат хизматларини онлайн олиш имкониятини таъминлаш;
- фуқаролар/бизнеснинг давлат органлари билан ўзаро ҳамкорлигининг шаффофлиги, қулайлиги ва самарадорлигини ошириш; вақтни қисқартириш,
- фуқаролар ва ташкилотлар учун бюрократик тўсиқларни камайтириш..
 

1. Жисмоний шахслар - Ўзбекистон фуқаролари солиқ қарздорлиги йўқлиги тўғрисида маълумотнома, меҳнат дафтарчасидан кўчирма олиш, болани боғчага рўйхатдан ўтказиш ва бошқа хизматлардан фойдаланишлари мумкин.
2. Юридик шахслар (корхоналар, ташкилотлар) - бизнес фаолияти билан боғлиқ хизматлар: лицензиялар, рухсатномалар, ҳисоботлар ва бошқалар учун ариза топширишлари мумкин.
3. Ўзбекистонда яшовчи ёки давлат органлари билан ҳамкорлик қилувчи чет элликлар ёки фуқаролиги бўлмаган шахслар - вақтинча яшаш жойи бўйича рўйхатдан ўтиш, Ўзбекистон Республикасига электрон виза олиш учун ариза топшириш ва бошқалар.