Ўзбекистонда ахборот-коммуникация технологиялари соҳасидаги энг муҳим ва нуфузли тадбирлардан бири — ICTWeek Uzbekistan 2026 жорий йилда яна бир бор мамлакатнинг рақамли тараққиёт кун тартибини белгилайдиган йирик халқаро майдонга айланиши кутилмоқда.

2004-йилдан буён анъанавий тарзда ўтказиб келинаётган Ўзбекистон ахборот-коммуникация технологиялари ҳафталиги — ICTWeek йиллар давомида мамлакатнинг AT соҳасидаги энг муҳим воқеаларидан бири сифатида шаклланди. Тадбир ҳар йили соҳа вакиллари, давлат ташкилотлари, маҳаллий ва хорижий компаниялар, инвесторлар, стартаплар, IT мутахассислари ҳамда технологияларга қизиқувчи кенг аудиторияни бир майдонда бирлаштириб келмоқда.

🟢ICTWeek 2026: янада катта кўлам ва янги имкониятлар

Жорий йилда эса ICTWeek янада кенг кўламда ўтказилиши кутилмоқда. 50 дан ортиқ мамлакатдан 25 мингдан зиёд иштирокчи, 300 дан ортиқ компания ва минглаб потенсиал бизнес вакиллари тадбирда иштирок этиши прогноз қилинмоқда.

Бу эса ICTWeek 2026ъни нафақат технологиялар намойиши, балки бизнес, инвестиция, стартаплар ва халқаро ҳамкорлик учун йирик майдонга айлантириши кутилаётганидан далолат беради.

🟢Бизнес ва инвесторлар учун янги майдон

ICTWeekънинг муҳим жиҳатларидан бири — тадбирнинг технологиялар кўргазмаси билан чекланиб қолмаслиги. Ҳафта давомида B2B учрашувлар, инвестициявий мулоқотлар, стартаплар тақдимотлари, бизнес учрашувлар ва профессионал нетворкинг учун имкониятлар яратилади.

🟢Ўзбекистоннинг рақамли салоҳияти халқаро майдонда

Сўнгги йилларда Ўзбекистонда AT соҳаси жадал ривожланиб, рақамли иқтисодиёт мамлакат тараққиётининг устувор йўналишларидан бирига айланмоқда.

IT Park экотизимининг кенгайиши, экспортга йўналтирилган AT компаниялар сонининг ортиши, стартаплар учун янги имкониятларнинг яратилиши ва рақамли давлат хизматларининг ривожланиши Ўзбекистоннинг минтақавий технологик марказ сифатидаги салоҳиятини оширмоқда.

Шу жараёнда ICTWeekънинг аҳамияти янада ортиб бормоқда. Чунки тадбир мамлакатда амалга оширилаётган рақамли ислоҳотларни халқаро аудиторияга намойиш этиш, хорижий технология ва инвестицияларни жалб қилиш ҳамда маҳаллий AT компанияларни глобал бозор билан боғлаш учун муҳим кўприк вазифасини бажаради.

🟢Бир ҳафта — кўплаб имкониятлар

ICTWeekъни бошқа технологик тадбирлардан ажратиб турадиган муҳим жиҳатлардан бири — у биргина конференция ёки кўргазма эмас, балки бир қатор ихтисослаштирилган тадбирларни ягона форматда бирлаштирадиган яхлит технологик ҳафта ҳисобланади.

Бу иштирокчиларга бир вақтнинг ўзида турли йўналишлардаги тадбирларда қатнашиш, янги технологиялар билан танишиш, экспертлар фикрини эшитиш, бизнес алоқаларини кенгайтириш ва янги ҳамкорлик лойиҳаларини бошлаш имконини беради.

🟢Технологиялар эмас, имкониятлар ҳафталиги

Шундай шароитда ICTWeekънинг вазифаси фақат янги технологияларни намойиш этиш эмас. Унинг энг муҳим вазифаларидан бири — технологияларни инсонлар, бизнес ва иқтисодий тараққиёт учун янги имкониятларга айлантириш.
ICTWeek 2026 ҳам айнан шу мақсад атрофида давлат, бизнес, инвесторлар ва технологик ҳамжамиятни бирлаштириб, Ўзбекистоннинг рақамли келажаги учун янги ғоялар, янги ҳамкорликлар ва янги лойиҳаларга йўл очиши кутилмоқда.

📌ICTWeek 2026ъда иштирок этинг!

Манба: egov.uz