Тизимнинг мақсади ва вазифалари

Вазифалар: 1) ветеринария врачларининг ҳайвонларнинг юқумли касалликларини аниқлаш ва уй ҳайвонларини эмлаш бўйича ишларини рақамлаштириш — 100%; 2) аҳоли ва хўжаликлардаги эмланган уй ҳайвонларини рўйхатга олиш ҳамда ягона маълумотлар базасини шакллантириш — 100%.

Мажбуриятлар: 1) оммавий истеъмол учун етказиб бериладиган гўшт ва гўшт маҳсулотларининг сифати ҳамда хавфсизлигини таъминлаш; 2) уй ҳайвонлари касалликларига ташхис қўйиш ва эмлаш, шунингдек, дори воситаларини қўллаш бўйича ишлар шаффофлигини ошириш; 3) участка ветеринария врачидан тортиб қўмита марказий аппарати ходимигача бўлган барча ветеринария хизмати иштирокчилари ўртасида ахборот алмашинуви самарадорлигини ошириш; 4) манфаатдор ташкилотларга (ҳокимлар, Ўзбекистон Республикаси Вазирлар Маҳкамаси, Давлат божхона қўмитаси ва бошқалар) республикадаги ветеринария медицинаси ҳолати ҳақида бир хил ягона маълумотларни тақдим этиш.