Тизимнинг мақсад ва вазифалари

Асосий мақсад ва вазифалар:
«Сув-ер-ижара» ахборот тизимини яратишдан асосий мақсад сув фонди ерларини ижарага бериш, фойдаланиш ва мониторинг қилиш жараёнларини ягона электрон платформа орқали бошқариш, инсон омилини камайтириш, шаффофликни таъминлаш ҳамда давлат органлари фаолияти самарадорлигини оширишдан иборат. Тизимни яратишдан кўзланган асосий мақсадлар:

• Ер участкаларини ижарага бериш жараёнларида шаффофликни таъминлаш, ушбу жараёнларда бюрократия ва коррупция ҳолатлари олдини олиш;

• Ер участкаларини ижарага бериш бўйича материалларни тўплаш, кўриб чиқиш ва ваколатли органлар ва ташкилотлар билан келишишни автоматлаштириш – 100%;

• Деҳқон хўжалиги ва тижорат мақсадлари учун ер участкаларини ижарага бериш механизмларини тубдан такомиллаштириш, шунингдек, тадбиркорлик субъектлари билан ўзаро муносабатлардаги бюрократик тартиб-таомиллар ва тўсиқларни қисқартириш – 80%;

• Ваколатли органлар фаолиятида ер участкаларини ижарага бериш бўйича материалларни кўриб чиқиш ва келишишда ахборот-коммуникация технологиялари имкониятларидан тўлиқ ҳажмда фойдаланишни таъминлаш – 100%;

• Марказлашган маълумотлар базасини яратиш ҳамда маълумотларни тўплаш жараёнида иш кучи ва вақт ресурслари сарфини 70% га тежаш;

• Ижара ҳолати мониторинги ишларини юритиш билан шуғулланувчи ишчи кучи, алоқа, транспорт, қоғоз ва бошқа турдаги сарф-харажатларни 80% га тежалишига эришиш;

• Турли шакллардаги ҳужжатлар ва ҳисоботларни тайёрлаш, топшириш ва сақлашдаги оворагарчиликларни 95% га камайтириш.