Тизимнинг мақсад ва вазифалари

Тизим мақсадлари:

 Openinfo ахборот порталининг асосий мақсади қимматли қоғозлар бозорида ахборотларнинг ошкоралигини таъминлаш орқали эмитентларга ўз фаолияти ва мажбурий ошкор этилиши лозим бўлган маълумотларни очиқ эълон қилиш учун ягона ва ишончли платформа яратишдан иборат.

Порталнинг яна бир муҳим мақсади ошкор қилинган маълумотларни инвесторлар ва бошқа манфаатдор фойдаланувчиларга тартибли, қулай ва тушунарли интерфейс орқали тақдим этиш, шунингдек, инвестицион қарорлар қабул қилиш жараёнида ахборотдан самарали фойдаланиш имконини яратишдир.

Бундан ташқари, тизимнинг мақсадларидан бири эмитентлар томонидан ҳисобот ва маълумотларнинг белгиланган муддатларда жойлаштирилишини таъминлаш ҳамда ушбу жараён устидан ваколатли органлар ва модераторлар томонидан назоратни амалга ошириш имконини берувчи механизмларни жорий этишдан иборат.

Тизим вазифалари:

Openinfo ахборот портали қуйидаги асосий вазифаларни бажаради:

• эмитентлар томонидан мажбурий ошкор қилиниши лозим бўлган ахборотларни электрон шаклда қабул қилиш, сақлаш ва эълон қилиш;
• молиявий ҳисоботлар, муҳим фактлар, эмиссия ҳужжатлари ва бошқа маълумотларни ягона ахборот майдонида тизимлаштириш;
• инвесторлар учун эмитентлар фаолияти тўғрисидаги маълумотлардан қулай ва тезкор фойдаланиш имконини яратиш;
• ҳисоботларнинг белгиланган муддатларда тақдим этилишини мониторинг қилиш ва бу борада модераторлар учун назорат механизмларини таъминлаш;
• ахборотларнинг ишончлилиги ва яхлитлигини таъминлаш орқали бозор иштирокчилари ўртасида очиқлик ва ишонч муҳитини шакллантириш.

Статистика

2022 йил: Эмитентлар сони — 607 та АЖ ва 20 та МЧЖ; жами ошкор қилинган ахборотлар — 8 201 та (АЖ) ва 36 та (МЧЖ); шу жумладан, муҳим фактлар — 5 965 / 32 та, эмиссия рисолалари — 12 / 4 та, чораклик ҳисоботлар — 1 535 / 0 та, йиллик ҳисоботлар — 486 / 0 та ҳамда уставлар — 293 / 17 тани ташкил этди.

2023 йил: Эмитентлар сони — 618 та АЖ ва 23 та МЧЖ; жами ошкор қилинган ахборотлар — 6 379 та (АЖ) ва 26 та (МЧЖ); шу жумладан, муҳим фактлар — 4 738 / 24 та, эмиссия рисолалари — 16 / 2 та, чораклик ҳисоботлар — 1 205 / 0 та, йиллик ҳисоботлар — 395 / 0 та ҳамда уставлар — 232 / 2 тани ташкил этди.

2024 йил: Эмитентлар сони — 706 та АЖ ва 32 та МЧЖ; жами ошкор қилинган ахборотлар — 7 806 та (АЖ) ва 56 та (МЧЖ); шу жумладан, муҳим фактлар — 5 999 / 44 та, эмиссия рисолалари — 18 / 1 та, чораклик ҳисоботлар — 1 350 / 0 та, йиллик ҳисоботлар — 415 / 0 та ҳамда уставлар — 323 / 9 тани ташкил этди.

2025 йил: Эмитентлар сони — 704 та АЖ ва 35 та МЧЖ; жами ошкор қилинган ахборотлар — 8 204 та (АЖ) ва 140 та (МЧЖ); шу жумладан, муҳим фактлар — 6 312 / 82 та, эмиссия рисолалари — 5 / 1 та, чораклик ҳисоботлар — 1 358 / 0 та, йиллик ҳисоботлар — 440 / 0 та ҳамда уставлар — 269 / 6 тани ташкил этди.