Шу мақсадда Тошкентда ташкил этилган Ҳуаwеи компаниясининг 20 дан ортиқ ваколатхоналари раҳбарлари ва бошқарувчи раҳбарлари йиғилган Яқин Шарқ ва Марказий Осиё бўйича ярим йиллик минтақавий йиғилишида Рақамли технологиялар вазири Шерзод Шерматов иштирок этди.

Йиғилишда вазир мамлакатнинг жадал рақамли ривожланиши, халқаро ИТ-компаниялар учун қулай бизнес шароитларини яратиш ва Ўзбекистон брендини мустаҳкамлашда республиканинг минтақавий етакчи сифатидаги мавқеини оширишни ҳисобга олган ҳолда АКТ соҳасидаги йирик халқаро тадбирларга мезбон давлат сифатида йиллик йиғилишни Ўзбекистонда ўтказиш тўғрисидаги қарорни олқишлади.

“Ўзбекистон билан ҳамкорликнинг 25 йиллик тарихини инобатга олиб, Ҳуаwеи компаниясининг минтақавий раҳбарларини бу йил Тошкентда кутиб олишдан мамнунман. Компаниянинг АКТ соҳасини ривожлантириш, рақамли трансформация ва кадрлар тайёрлашга қўшган ҳиссаси “Рақамли Ўзбекистон 2030” стратегиямизни амалга ошириш ва Ўзбекистонни минтақавий ИТ хабга айлантириш учун катта аҳамиятга эга. “Республикада халқаро ИТ-компаниялар бизнесини ривожлантириш, компания фаолиятини қўллаб-қувватлаш учун бутун дунё бўйлаб уларнинг бизнес-жараёнларини аутсорсинг (БПО) офисларини жойлаштириш, минтақавий ва глобал тадбирларни ўтказиш учун барча шароитлар яратилган, – деди Шерзод Шерматов.

Йиғилиш давомида Ҳуаwеи раҳбарлари ИТ Парк Узбекистан резидентлари учун амалдаги “Зеро Риск” дастури, ИТ Парк резидентлари Ўзбекистонда ўз фаолиятини амалга ошириш учун бериладиган имтиёзлар ва халқаро бизнесни Ўзбекистонга жалб этиш режалари билан танишди.

Шуниндек, Яқин Шарқ ва Марказий Осиё минтақасидаги лойиҳаларни ишлаб чиқиш, Ўзбекистонда фаолият юритаётган бешта Ҳуаwеи глобал ресурс марказларидан бирининг фаолиятини кенгайтириш имкониятлари муҳокама қилинди.  Бу эса Ўзбекистоннинг ИТ-хизматлари экспортини ошириш учун кўпроқ имкониятлар очиш, республиканинг минтақада ИТ-саноатни ривожлантириш маркази сифатидаги мавқеини мустаҳкамлаши қайд этилди.

Маълумот учун, Ҳуаwеи Ўзбекистонда 25 йилдан буён АКТ инфратузилмасини мустаҳкамлаш, энергетика соҳасига яшил технологияларни жорий этиш ва маҳаллий истеъдодларни қўллаб-қувватлаш бўйича муҳим лойиҳаларни амалга ошириш орқали фаолият юритиб келмоқда.

Август ойида илк марта Рақамли технологиялар вазирлиги кўмагида Ҳуаwеи компаниясининг Яқин Шарқ ва Марказий Осиё давлатларидан 150 дан ортиқ талабаларни бирлаштирадиган “Сеедс фор тҳе Футуре 2024” таълим лойиҳаси Тошкент шаҳрида бўлиб ўтади.