-
Yagona va markazlashgan hisob tizimi
-
Davlat moliyasida shaffoflikni oshirish
-
Avtomatlashtirilgan hisob-kitoblar
-
Hisobotlarning yagona standarti
-
Tezkor tahlil va boshqaruv qarorlari
-
Axborot xavfsizligi va ma`lumotlar yaxlitligi
-
Integratsiya imkoniyatlari
UzASBO axborot tizimini yaratish, joriy etish va ekspluatatsiya qilish O‘zbekiston Respublikasining amaldagi normativ-huquqiy hujjatlariga muvofiq amalga oshiriladi, jumladan:
- O‘zbekiston Respublikasi Budjet kodeksi — budjet tizimi, budjet jarayoni va davlat moliyasining shaffofligi tamoyillarini belgilaydi.
- O‘zbekiston Respublikasi Qonuni «Elektron hukumat to‘g‘risida» — davlat boshqaruvida axborot-kommunikatsiya texnologiyalaridan foydalanishning huquqiy asoslarini belgilaydi.
- O‘zbekiston Respublikasi Qonuni «Axborotlashtirish to‘g‘risida» — axborot tizimlari va resurslarini yaratish, joriy etish va ulardan foydalanish bilan bog‘liq munosabatlarni tartibga soladi.
- O‘zbekiston Respublikasi Qonuni «Davlat hokimiyati va boshqaruvi organlari faoliyatining ochiqligi to‘g‘risida» — rasmiy axborotdan foydalanish va ochiqlik mexanizmlarini belgilaydi.
- O‘zbekiston Respublikasi Prezidentining davlat moliyasini boshqarish va raqamlashtirishga doir qaror va farmonlari.
- O‘zbekiston Respublikasi Vazirlar Mahkamasining davlat axborot tizimlarini rivojlantirish va integratsiya qilishga oid qarorlari.
UzASBO tizimi modul tamoyili asosida ishlab chiqilgan bo‘lib, buxgalteriya hisobi, budjet ijrosi, ish haqi va unga tenglashtirilgan to‘lovlar, shatnomalar, moliyaviy majburiyatlar hamda moliyaviy hisobotlarni yuritish imkonini beradi
Tizimning maqsad va vazifalari
Tizim maqsadlari:
Budjet tashkilotlarida moliyaviy jarayonlarni raqamlashtirish
Davlat budjeti ijrosi, buxgalteriya hisobi, ish haqi va moliyaviy hisobotlarni elektron shaklda yuritishni ta`minlash.
Hisob-kitoblarning yagona standartini joriy etish
Barcha budjet tashkilotlarida buxgalteriya va moliyaviy hisobotlarni yagona metodologiya va format asosida shakllantirish.
Davlat moliyasining shaffofligi va hisobdorligini oshirish
Budjet mablag`larining rejalashtirilishi va sarflanishi ustidan markazlashgan va uzluksiz nazoratni ta`minlash.
Inson omili va xatoliklarni kamaytirish
Avtomatlashtirilgan hisob-kitoblar orqali qo`lda bajariladigan operatsiyalarni qisqartirish va moliyaviy xatoliklarning oldini olish.
Moliyaviy nazorat va monitoringni kuchaytirish
Vakolatli organlar tomonidan real vaqt rejimida moliyaviy ko`rsatkichlarni kuzatish va tahlil qilish imkoniyatini yaratish.
Tezkor va asoslangan boshqaruv qarorlarini qo`llab-quvvatlash
Aggregatsiyalangan va detallashtirilgan ma`lumotlar asosida tahliliy axborotlarni shakllantirish.
Davlat axborot tizimlari bilan integratsiyani rivojlantirish
Boshqa axborot tizimlari bilan o`zaro integratsiya orqali ma`lumotlar almashinuvini ta`minlash va takroriy kiritishlarni kamaytirish.
Tizim vazifalari:
Budjet ijrosini yuritish
Davlat budjeti va budjetdan tashqari mablag`larning rejalashtirilishi, taqsimlanishi va ijrosini elektron shaklda yuritish.
Buxgalteriya hisobini avtomatlashtirish
Budjet tashkilotlarida buxgalteriya hisobini amaldagi me`yoriy-huquqiy hujjatlarga muvofiq avtomatlashtirilgan tarzda yuritish.
Ish haqi va unga tenglashtirilgan to`lovlarni hisoblash
Xodimlarning ish haqi, ustamalar, mukofotlar, soliqlar va majburiy ajratmalarni avtomatik hisoblash va hisobga olish.
Moliyaviy majburiyatlar va shartnomalarni hisobga olish
Shartnomalar, moliyaviy majburiyatlar va to`lov hujjatlarini yuritish hamda ularning ijrosini nazorat qilish.
Moliyaviy va budjet hisobotlarini shakllantirish
Belgilangan shakl va muddatlarda moliyaviy, budjet va statistik hisobotlarni avtomatik tarzda shakllantirish.
Moliyaviy monitoring va nazoratni ta`minlash
Budjet mablag`laridan foydalanish ustidan real vaqt rejimida monitoring va tahlil mexanizmlarini amalga oshirish.
Ma`lumotlarni markazlashgan holda saqlash va qayta ishlash
Barcha budjet tashkilotlarining moliyaviy ma`lumotlarini yagona markaziy bazada jamlash va qayta ishlash.
Davlat axborot tizimlari bilan integratsiya qilish
Soliq, g`aznachilik, statistika va boshqa davlat axborot tizimlari bilan o`zaro ma`lumot almashinuvini taminlash.
Axborot xavfsizligini ta`minlash
Foydalanuvchilar rollari va huquqlari asosida tizimga kirishni boshqarish hamda ma`lumotlar yaxlitligi va maxfiyligini ta`minlash.
Statistika
Hozirda
Foydalanuvchilar soni 110 000 ta
Tashkilotlar soni - 29 324
Xizmatlardan mobil ilovalar orqali foydalanish uchun quyidagi havolalardan yuklab olishingiz mumkin:
-
Budjet ijrosini yuritish
-
Buxgalteriya hisobini avtomatlashtirish
-
Ish haqi va kadrlar bilan bog‘liq hisob-kitoblar
-
Shartnomalar va moliyaviy majburiyatlarni boshqarish
-
Moliyaviy va budjet hisobotlarini shakllantirish
-
Monitoring va tahlil vositalari
-
Integratsiya va ma’lumot almashinuvi
-
Axborot xavfsizligi va kirishni boshqarish
-
Markazlashgan ma’lumotlar bazasi
