Loyihaning maqsadi

- O‘zbekiston Respublikasi oliy ta’lim muassasalarining bakalavriatiga o‘qishga kirish istagini bildirilgan abituriyentlar ma’lumotlari va arizalarini “online” ro‘yxatga olish tizimini joriy etish va abituriyentlar ma’lumotlar bazasini shakllantirish; 

- ma’lumotlarning ishonchli saqlanishini ta’minlashi; 

- ma’lumotlarning qulay va tushunarli ko‘rinishlarda aks ettirilishini ta’minlash; 

- Umumiy abituriyentlar markazlashgan bazasini yaratish va nazorat qilish natijasida ish samaradorligini oshishiga erishish; 

- AT tizimi kundalik holati belgilangan qabul qilish kunlari mobaynida uzlukliz to‘liq funksiyalar bilan ishlashini ta’minlash orqali abituriyentlarning belgilangan kunlarda istalgan vaqtda ro‘yxatdan o‘tishlarini ta’minlashga erishish; 

- Yagona interaktiv davlat xizmatlar portali my.gov.uz platformasiga integratsiya qilish orqali foydalanuvchilarga qulaylik yaratish. 

- OTM kirish imtixonlariga qatnashish istagi bo‘lgan fuqarolarni to‘liq qamrab olish; 

- Qabul jarayonlarini shafofligini ta’minlash; 

- Qabul jarayonlarida qog‘oz hujjat aylanishini oldini olish; 

- Abituriyentlar ma’lumotlari asosida mos toifa guruhlariga ajratish hamda test o‘tkazish kunlari, test smenalarini, abituriyent o‘tirish o‘rnini belgilash; 

- Abituriyentning mavjud imtiyoz toifasidan kelib chiqqan holda yakuniy test natijalarini hisoblashda, e’lon qilishda foydalanish.

Loyiha vazifalari

Abituriyentlarni onlayn ro’yxatdan o’tkazish va ularning shaxsiy ma’lumotlarini yagona markazlashgan bazada shakllantirish.

Abituriyentlarning shaxsini identifikatsiyalash (JShShIR, pasport ma’lumotlari) va davlat axborot tizimlari bilan solishtirish orqali tekshirish.

Oliy ta’lim muassasalari va ta’lim yo’nalishlarini tanlash jarayonini avtomatlashtirish.

Abituriyentlarning imtiyozlari, sertifikatlari va oldingi natijalari asosida ma’lumotlarni tekshirish va hisobga olish.

To’lov holatini monitoring qilish va tegishli tizimlar bilan integratsiya orqali tekshirish.

Abituriyentlarning test sinovlarida ishtirok etish huquqini aniqlash va nazorat qilish.

Tizimdagi      barcha     foydalanuvchi      amallarini      (kirish, tahrirlash, tasdiqlash) qayd etish va loglash.

Administratorlar uchun monitoring, nazorat va boshqaruv mexanizmlarini ta’minlash.

Statistika, tahliliy va boshqaruv hisobotlarini shakllantirish.

Axborot xavfsizligini, ma’lumotlarning yaxlitligi va ishonchliligini ta’minlash.