-
Ish qidiruvchilar uchun: resume joylash va ish topishga ko’maklashish
-
Ish beruvchilar uchun: vakansiyalarni e’lon qilish va xodim topishga ko’maklashish
-
Bandlik agentliklari uchun: nomzod–vakansiya mosligini avtomatik filtrlash orqali sifatli xizmat ko’rsatish
-
Jamiyat uchun: bandlikni nazorat qilish, statistik tahlil orqali ijtimoiy barqarorlikni ta’minlash
Tizimni ishlab chiqishga asos - O‘zbekiston Respublikasi Prezidentining 24.05.2017 yildagi “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari to‘g‘risida” PF-5052-son farmoni hisoblanadi.
Tizimning asosiy foydalanuvchilari ish qidiruvchilar va ish beruvchilar bo’lib:
- ish qidiruvchilar tizimga o’zlarining resumelarini joylashi, resumega mos vakansiyalar bilan tanishib chiqishi, vakansiyaga taklif bildirishi, ish beruvchi tomonidan kelib tushgan takliflarni ko’rishi hamda ish beruvchilar bilan chat orqali bog’lanishi;
- ish beruvchilar tizimga o’zlarining bo’sh ish o’rinlari haqidagi ma’lumotlarini joylashi, bo’sh ish o’rniga mos resumelar bilan tanishib chiqishi, ish qidiruvchilarga taklif yuborishi, suhbatga chaqirishi, ish qidiruvchilardan kelib tushgan takliflarni ko’rib chiqishi hamda mos nomzod topilgan taqdirda ish beruvchining xohishiga ko’ra uni YMMT tizimida ishga olish jarayonini soddalashtirilgan tartibda amalga oshirishi mumkin.
Tizimning maqsad va vazifalari
Tizim maqsadlari:
Mehnat bozori ishtirokchilari bo‘lgan ish beruvchilar va ish qidiruvchilar o‘rtasidagi o‘zaro hamkorlikni samarali tashkil etish, vakansiyalar va mehnat resurslari to‘g‘risidagi markazlashtirilgan ma’lumotlar bazasini shakllantirish, optimal algoritmlar asosida ish o‘rinlari hamda nomzodlar o‘rtasida maksimal darajada muvofiqlikni ta’minlash, ish topish va mutaxassis topish jarayonini optimallashtirish, tizim ma’lumotlari asosida turli statistik, dinamik va strategik ma’lumotlarni taqdim qilish.
Tizim vazifalari:
- Bo’sh ish o’rinlari bazasini yaratish va uning ochiq va shaffofligini ta’minlash.
- Resumelar bazasini ochiq va tizimli shakllantirish
- Ish qidiruvchi fuqarolarga resume yaratish orqali mos ish o‘rinlarini topishga ko‘maklashish
- Ish beruvchilarga xodim topishga ko‘maklashish
- Vakansiyalar va ish qidiruvchilar ma’lumotlari asosida statistik ma’lumotlarni shakllantirish
Statistika
2026 yil fevral holatiga:
Foydalanuvchilar soni: 40 mingga yaqin
Integratsiyalashgan tizimlar soni: 3 ta
-
Vakansiya yaratish, vakansiya ma’lumotlarini ko’rish, o’chirish, arxivlash, filtrlash, saralash, vakansiyaga mos resumelarni avtomatik taqdim etish;
-
Resume yaratish, resume ma’lumotlarini ko’rish, o’chirish, arxivlash, filtrlash, saralash, resumega mos vakansiyalarni avtomatik taqdim etish;
-
Ish beruvchi/Ish qidiruvchi tomonidan taklif yuborish, takliflarni ko’rib chiqish, o’zaro chat orqali muloqot qilish
