Loyiha haqida

“Mahalliy ijro etuvchi hokimiyat organlari tomonidan qabul qilinadigan qarorlarni ishlab chiqish, kelishish va ro‘yxatdan o‘tkazishning yagona elektron tizimini joriy etish chora-tadbirlari to‘g‘risida” O‘zbekiston respublikasi vazirlar mahkamasining qarori: Normativ-huquqiy asos raqami: 218-son, 14.04.2020.

Organlar tomonidan qarorlar ishlab chiqish, tasdiqlash va Internet tarmog‘ida e’lon qilish bilan bog‘liq faoliyatidir. Tizim “Elektron hukumat” tizimining tarkibiy komponenti bo‘lib, Internet tarmog‘ida belgilangan domen ostida faoliyat yurituvchi veb-sayt, tashkilotlar uchun yaratilgan maxsus kabinet va alohida domenda faoliyat yurituvchi ma’muriy paneldan tashkil topadi. Tizim axborot texnologiyalarini joriy etish orqali hokimliklar tomonida qabul qilinayotgan qarorlar ishlab chiqish, kelishish, tasdiqlash, ro‘yxatga olish va Internet tarmog‘ida e’lon qilishni raqamlashtirish orqali keyingi bosqichga olib chiqishi lozim, xususan tizim yordamida butun Respublika miqyosida ushbu faoliyat yuzasidan yagona tartib joriy etishga yordam beradi.

Tizimning maqsad va vazifalari

- mahalliy ijro etuvchi hokimiyat organlarning norma ijodkorligi faoliyatiga axborot texnologiyalarini joriy etish;
- mahalliy ijro etuvchi hokimiyat organlar tomonidan qabul qilinayotgan qarorlar bilan aholini o‘z vaqtida xabardor qilish;
- mahalliy ijro etuvchi hokimiyat organlar tomonidan g‘ayriqonuniy qarorlar ishlab chiqilishi va qabul qilinishini oldini olish;
- mahalliy ijro etuvchi hokimiyat qarorlar ishlab-chiqish, kelishish va qabul qilish faoliyatida jamoatchilik nazoratini va shaffoflikni taʼminlash;
- mahalliy ijro etuvchi hokimiyat organlar qarorlar ishlab chiqish, kelshish, imzolash va Internet tarmog‘ida eʼlon qilish faoliyatida ortiqcha qog‘ozbozlik, vaqt sarfini oldini-olish va inson omilini kamaytirish.

Tizimdan ro‘yxatdan o‘tish

Jismoniy va yuridik shaxslar qabul qilingan hujjatlar bilan tanishish uchun ro’yxatdan o’tishlari yoki avtorizatsiyadan o’tishlari talab etilmaydi. Davlat xizmatchilari tizimdan foydalanish uchun Yagona identifikatsiya tizimi (id.egov.uz) sahifasiga kirib, identifikatsiyadan o‘tish lozim. Buning uchun jismoniy shaxs tug'ilgan sanasini, pasport seriyasi va raqamini, elektron pochta manzilini va telefon raqamini kiritishi kerak.