Yo‘lovchi poyezdlarga onlayn tarzda chipta sotish “eticket.railway.uz” tizimi – “O‘ztemiryo‘lyo‘lovchi” aksiyadorlik jamiyatida raqamli iqtisodiyotni faol  rivojlantirish va barcha amaliyotlarda zamonaviy axborot-kommunikatsiya texnologiyalarini keng joriy etish bo‘yicha xodimlarimiz tomonidan belgilangan tartibda chora-tadbirlar belgilab olinib, bosqichma-bosqich amalga oshirilmoqda.

O‘zbekiston Respublikasi Prezidentining 2022-yil 22-avgustdagi “2022-2023 yillar axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida”gi PQ-357-son qarorining ijrosini ta’minlash maqsadida jamiyatimiz tomonidan yangi ilovada talabalar va nafaqaxo‘rlarga onlayn tarzda chegirmali chiptalarni xarid qilishlari uchun imkoniyatlar yaratilgan. 
O‘zbekiston Respublikasi Prezidentining 2014 yil 3 apreldagi 2158-PF sonli Farmonining ijrosini ta’minlash maqsadida, 2015 yilning noyabr oyidan boshlab jamiyatimiz tomonidan “eticket.uzrailway.uz” veb-sayt orqali elektron tarzda chiptalarni sotish tizimi yo‘lga qo‘yilgan. Mazkur tizim ishga tushurilgandan keyin jamiyatimiz tomonidan yo‘lovchi poyezdlarga 2015 yilda jami sotilgan chiptalarning 2% onlayn tarzda veb-sayt orqali sotilgan. Jamiyatimizning yo‘lovchilarga onlayn tarzda chiptalarni sotish tizimi yillar davomida modernizatsiya qilinib bugungi kunda mazkur ko‘rsatgichlar 45 % dan ko‘tarilgan. Kelgusida mazkur ko‘rsatgichlarini bundanda yuqori darajaga ko‘tarish yuzasidan ishlar olib borilmoqda.