-
Файдаланувчиларнинг маълумотларини кўриш имконияти
-
Йил бошидан истеъмол қилинган иссиқлик энергияси ҳажми ҳақида маълумотлар
-
Иссиқлик энергияси учун амалга оширилган охирги тўловларни кўриш ва назорат қилиш
-
Иссиқ энергияси учун тўловларни "Payme" тизими ёрдамида тўлаш
Ушбу электрон тизим иссиқлик энергиясининг жисмоний ва операцион сарфини масофадан туриб кузатиш имконини беради. Тизимдан фойдаланганда фойдаланувчи ўзининг шахсий маълумотларини киритиши, шунингдек, транзакция ҳолати ҳақида маълумот олиши мумкин.
Тизимнинг мақсад ва вазифалари
жисмоний ва юридик шахслар томонидан истеъмол қилинадиган иссиқлик энергиясини ҳисобга олиш ва масофадан бошқариш фаолиятига ахборот технологияларини жорий этиш;
- реал вақт режимида шахсий кабинети орқали истеъмолчиларни жорий ҳолат тўғрисида хабардор қилиш;
- истеъмолчиларнинг электрон маълумотлар базасини шакллантириш;
- иссиқлик энергияси ҳисобини тўлдириш ва қарзни ҳисобдан чиқариш жараёнида ортиқча қоғозбозлик, вақт сарфига йўл қўймаслик, шаффофликни таъминлаш, коррупцион ҳолатларнинг олдини олиш ва инсон омилини камайтириш.
Тизимда рўйхатдан ўтиш
Жисмоний ва юридик шахслар иссиқлик энергияси истеъмолини назорат қилиш ва бошқариш тизимининг шахсий кабинетига кириш учун логин сифатида кадастр рақами, Жисмоний шахснинг шахсий идентификация рақами (ЖШШИР), серия ва паспорт рақами ёки солиқ тўловчининг идентификация рақамидан (СТИР) фойдаланиши мумкин.
Шахсий ҳисобингизга кириш учун парол сифатида серия ва паспорт рақами ёки кадастр рақамидан фойдаланишингиз керак.
-
Жисмоний ва юридик шахс сифатида шахсий кабинетига кирган фойдаланувчилар исталган вақтда ўз ташкилоти ёки хонадонининг иссиқлик таъминотининг жорий ҳолатини масофадан туриб кузатиши мумкин
-
Шахсий ҳисобингиз орқали истеъмол қилинган иссиқлик энергиясининг баланси ва миқдори ҳақида аниқ маълумот олиш имконияти
-
Тизим орқали иссиқлик энергияси истеъмоли учун тўловларни “Payme” тўлов тизимидан фойдаланган ҳолда пластик карта маълумотларини қўллаш орқали амалга ошириш имконияти пайдо бўлди