Portalning maqsad va vazifalari

- xorijiy fuqarolarning kirish vizasini rasmiylashtirish uchun O‘zbekiston Respublikasining xorijdagi diplomatik vakolatxonalari, konsullik idoralariga majburiy murojaat etishlarini bekor qilish; - xorijiy fuqaroning kirish vizasini olish uchun murojaatini ko‘rib chiqish muddatlarini qisqartirish; - respublikaga kirish uchun ruxsat beruvchi hujjatni rasmiylashtirishda zamonaviy axborot-kommunikatsiya texnologiyalaridan foydalanish; - elektron kirish vizalarining yagona ma’lumotlar bazasini shakllantirish orqali elektron kirish vizasini rasmiylashtirishning markazlashtirilgan tizimini joriy etiladi.

Portaldan foydalanish

Elektron vizani veb portal orqali rasmiylashtirish ikki bosqichda amalga oshiriladi: murojaatni rasmiylashtirib yuborish va murojaatga javob berish.
O‘zbekiston Respublikasiga kirish elektron vizasini rasmiylashtirish uchun murojaat quyidagi tartibda shakllantiriladi: “Mamlakat” bo‘limida davlat, sayohat hujjati va kelishdan maqsad tanlanadi;

“Sana” bo‘limida O‘zbekiston Respublikasida bo‘lib turish davri ko‘rsatiladi; “Shaxsiy ma’lumotlar” bo‘limida chet el fuqarosining biografik ma’lumotlari kiritiladi; “Foto va pasport” bo‘limida shaxsning fotosurati va sayohat hujjatining nusxasi joylanadi; “Faollashtirish” bo‘limida elektron pochta manzili kiritiladi; “To‘lov” bo‘limida Visa va MasterCard xalqaro pul o‘tkazmalari tizimi orqali davlat boji to‘lanadi.
Elektron vizani berish haqida ijobiy qaror qabul qilinsa, chet el fuqarosining elektron pochta manziliga murojaati bo‘yicha “pdf” formatidagi elektron viza yuboriladi.