“Statistika” integrallashgan axborot tizimi portali – aniq, ishonchli va sifatli statistik ma’lumotlar olishning yagona nuqtasi hisoblanib, ma’muriy statistik ma’lumotlarni integratsiya yo‘li bilan to‘plash va statistik ma’lumotlarni SDMX standarti asosida foydalanuvchilarga taqdim etish imkoniyatini beradi. Shuningdek, u quyidagi bir qator ishlarni amalga oshiradi:

birinchidan, shu kunga qadar turli manbalar va shakllarda saqlanayotgan statistik ma’lumotlarni xalqaro tavsiyalarga mos bo‘lgan namunaviy formatga keltirish va raqamli shaklda yagona ma’lumotlar bazasiga to‘plash imkoni yaratildi;

ikkinchidan, tasniflagichlar va ma’lumotnomalar bilan moslashtirish hamda katta hajmdagi ma’lumotlarni qayta ishlash uchun ma’lumotlar bazasini boshqarishning zamonaviy tizimlari joriy etildi;

uchinchidan, ma’lumotlarni sohalar va hududlar kesimlariga ajratgan holda yig‘ma axborotlarni shakllantirish hamda vizual tasvirlash jadval, grafik, diagramma, kartogramma moduli joriy etildi.