-
Хизматлардан фойдаланишда чегирмаларнинг мавжудлиги
-
Исталган вақтда фойдаланиш имконияти
-
Электрон тўловларни амалга ошириш имконияти
Ягона интерактив давлат хизматлари портали - давлат органлари томонидан кўрсатиладиган электрон давлат хизматларидан фойдаланишнинг ягона нуқтаси ҳисобланади.
Жисмоний ва юридик шахсларга мўлжалланган электрон давлат хизматлари Ягона порталда алоҳида йўналишлар бўйича кўрсатилади.
Ягона портал ёрдамида уйдан чиқмасдан электрон давлат хизматларидан фойдаланиш мумкин. Бунинг учун электрон шаклни тўлдириш ва керакли хизматдан фойдаланиш учун сўров юбориш кифоя. Масалан, болани боғчага киритиш, ҳайдовчилик гувоҳномасини алмаштириш, автомобил ойналари рангини ўзгартириш (қорайтириш) учун рухсат олиш, ойлик маош, меҳнат дафтарчаси, солиқ қарзи ёки пенсия ҳисобини текшириш
Ягона порталнинг мақсад ва вазифалари
- мамлакат бўйлаб аризачиларга рақамли ҳукумат доирасида давлат органлари билан ўзаро ҳамкорлик қилиш имкониятларини яратиш;
- ариза берувчилар билан мулоқотда давлат бошқаруви тизимида “бир дарча” тамойилини жорий этиш;
- давлат хизматларини кўрсатишнинг шаффоф механизмларини яратиш, муддатларни қисқартириш ва уларни кўрсатиш тартибининг бажарилиши устидан марказлашган назоратни амалга ошириш орқали давлат хизматлари кўрсатиш сифатини ошириш;
- давлат хизматларини олишда фуқаролар, тадбиркорлик субектлари ва давлат органлари учун харажатларни камайтириш.
Ягона порталда рўйхатдан ўтиш
Ягона портал хизматларидан фойдаланиш учун Ягона идентификатсия тизими (id.egov.uz) саҳифасига кириб, идентификатсиядан ўтиш лозим. Бунинг учун жисмоний шахс туғилган санасини, паспорт серияси ва рақамини, электрон почта манзилини ва телефон рақамини киритиши керак.
Хизматлардан мобил иловалар орқали фойдаланиш учун қуйидаги ҳаволалардан юклаб олишингиз мумкин:
-
Ягона портал ёки Давлат хизматлари марказлари орқали юборилган мурожаатлар ҳолатини кузатиш ва хизмат кўрсатиш натижасини юклаб олиш
-
Электрон давлат хизматларидан фойдаланиш
-
Аризаларни кўриб чиқиш ҳолати ҳақида хабарномалар олиш
-
Солиқлар ва жарималар ҳолатини доимий мониторинг қилиш ва бошқалар.