Йўловчи поездларга онлайн тарзда чипта сотиш “eticket.railway.uz”  тизими – “Ўзтемирйўлйўловчи” аксиядорлик жамиятида рақамли иқтисодиётни фаол  ривожлантириш ва барча амалиётларда замонавий ахборот-коммуникатсия технологияларини кенг жорий этиш бўйича ходимларимиз томонидан белгиланган тартибда чора-тадбирлар белгилаб олиниб, босқичма-босқич амалга оширилмоқда.

Ўзбекистон Республикаси Президентининг 2022-йил 22-августдаги “2022-2023 йиллар ахборот-коммуникатсия технологиялари соҳасини янги босқичга олиб чиқиш чора-тадбирлари тўғрисида”ги ПҚ-357-сон қарорининг ижросини таъминлаш мақсадида жамиятимиз томонидан янги иловада талабалар ва нафақахўрларга онлайн тарзда чегирмали чипталарни харид қилишлари учун имкониятлар яратилган. 
Ўзбекистон Республикаси Президентининг 2014 йил 3 апрелдаги 2158-ПФ сонли Фармонининг ижросини таъминлаш мақсадида, 2015 йилнинг ноябр ойидан бошлаб жамиятимиз томонидан “eticket.railway.uz” веб-сайт орқали электрон тарзда чипталарни сотиш тизими йўлга қўйилган. Мазкур тизим ишга тушурилгандан кейин жамиятимиз томонидан йўловчи поездларга 2015 йилда жами сотилган чипталарнинг 2% онлайн тарзда веб-сайт орқали сотилган. Жамиятимизнинг йўловчиларга онлайн тарзда чипталарни сотиш тизими йиллар давомида модернизатсия қилиниб бугунги кунда мазкур кўрсатгичлар 45 % дан кўтарилган. Келгусида мазкур кўрсатгичларини бунданда юқори даражага кўтариш юзасидан ишлар олиб борилмоқда.