Tizimning maqsad va vazifalari

Suv tejovchi texnologiyalarni joriy etish bo‘yicha xizmat ko‘rsatuvchi tashkilotlarni ro‘yxatdan o‘tkazish jarayonini soddalashtirish.

“TOMCHI YER” yagona elektron reestrini yaratish (Axborot-resurs markazini tashkil etish).

Suv tejovchi texnologiyalarni joriy etish bo‘yicha xizmat ko‘rsatuvchi tashkilotlar to‘g‘risidagi ma’lumotlarning markazlashtirilgan holda saqlanishini ta’minlash.

Suv xo‘jaligi tashkilotlari faoliyati samaradorligini oshirish maqsadida axborot-kommunikatsiya texnologiyalarini (AKT) joriy etish.

Ishlab chiqilgan axborot tizimining samaradorligini kelgusida baholash uchun miqdoriy va sifat ko‘rsatkichlarini shakllantirish.

Qishloq xo‘jaligida suvni tejash, undan samarali va oqilona foydalanishni ta’minlash.

Yuqori texnologiyali agrosanoat birlashmalaridan tortib an’anaviy oilaviy xo‘jaliklargacha bo‘lgan barcha turdagi qishloq xo‘jaligi subyektlarida foydalanilayotgan tomchilatib sug‘orish mahsulotlari to‘g‘risidagi ma’lumotlarni umumlashtirish mexanizmini yaratish.

Statistika

Bugungi kunda reestr.mwr.uz axborot tizimi orqali ishlab chiqaruvchi va quruvchi korxonalar tomonidan jami 518 ta ariza taqdim etilgan. Arizalarni ko‘rib chiqish natijalariga ko‘ra:

95 ta ariza hujjatlar hamda korxona to‘g‘risidagi ma’lumotlar to‘liq taqdim etilmaganligi sababli rad etilgan;

234 ta ariza belgilangan baholash mezonlari bo‘yicha 60 balldan past ko‘rsatkich qayd etgan;

189 ta korxona 60 va undan yuqori ball to‘plab, “Tomchi-reestr” YaERga kiritish uchun tavsiya etilgan.

Natijada, reyestrga kiritilgan tashkilotlar suvni tejaydigan texnologiyalarni joriy etish bo‘yicha davlat tomonidan qo‘llab-quvvatlash mexanizmlarida ishtirok etish huquqiga ega bo‘lib, buyurtmachilar uchun ishonchli va malakali korxonalar bazasi shakllantirilmoqda.