Tizimning maqsad va vazifalari

“Suv-yer-ijara” axborot tizimini yaratishdan asosiy maqsad suv fondi yerlarini ijaraga berish, foydalanish va monitoring qilish jarayonlarini yagona elektron platforma orqali boshqarish, inson omilini kamaytirish, shaffoflikni ta’minlash hamda davlat organlari faoliyati samaradorligini oshirishdan iborat. Tizimni yaratishdan ko‘zlangan asosiy maqsadlar: - yer uchastkalarini ijaraga berish jarayonlarida shaffoflikni ta’minlash, ushbu jarayonlarda byurokratiya va korrupsiya holatlari oldini olish; - yer uchastkalari ijaraga berish bo‘yicha materiallarni to‘plash, ko‘rib chiqish va vakolatli organlar va tashkilotlar bilan kelishishni avtomatlashtirish – 100%; - Dehqon xo‘jaligi va tijorat maqsadlari uchun yer uchastkalarini ijaraga berish mexanizmlarini tubdan takomillashtirish, shuningdek, tadbirkorlik sub’ektlari bilan o‘zaro munosabatlardagi byurokratik tartib-taomillar va to‘siqlarni qisqartirish – 80%; - vakolatli organlar faoliyatida yer uchastkalarini ijaraga berish bo‘yicha materiallarni ko‘rib chiqish va kelishishda axborot-kommunikatsiya texnologiyalari imkoniyatlaridan to‘liq hajmda foydalanishni ta’minlash – 100%. - markazlashgan ma’lumotlar bazasini yaratish hamda ma’lumotlarni to‘plash jarayonida ish kuchi va vaqt resurslari sarfini 70% ga tejash; - ijara holatini monitoringi ishlarini yuritish bilan shug‘ullanuvchi ishchi kuchi, aloqa, transport, qog‘oz va boshqa turdagi sarf-xarajatlarni 80% ga tejalishiga erishish; - turli shakllardagi hujjatlar va hisobotlarni tayyorlash, topshirish va saqlashdagi ovoragarchiliklarini 95% ga kamaytirish.