Digital Government

Цифровое правительство
Республики Узбекистан

DMED - Yagona tibbiyot axborot tizimi

Sog‘liqni saqlash sohasidagi tibbiy jarayonlarni raqamlashtirish, bemorlarning yagona elektron tibbiy ma’lumotlarini shakllantirish va tibbiy xizmatlarni samarali boshqarish hamda monitoring qilishni ta’minlash. mis.dmed.uz

Afzalliklari

Tibbiyot muassasalarida bemorlarning yagona elektron tibbiy kartasini shakllantirish va yuritish imkonini beradi
Bemorning tibbiy ko‘ruv tarixi, tashxislari, laboratoriya va diagnostik tekshiruv natijalarini yagona tizimda saqlash imkonini beradi
Tibbiy xizmatlar ko‘rsatish jarayonlarining shaffofligi va nazorat qilinishini oshiradi
Elektron retsept, yo‘llanma, imtiyozli yo‘llanma va boshqa qog‘oz hujjatlar bilan ishlash xizmatlarni avtomatlashtirish imkonini beradi

Loyiha haqida

O‘zbekiston Respublikasi Prezidentining PQ-415-son qarori 1-bandining «v» kichik bandi «“Elektron sog‘liqni saqlash” axborot tizimlarining yagona kompleksini joriy etish»ga asosan ishlab chiqilgan.
Sog‘liqni saqlash tizimida tibbiy ma’lumotlarni raqamlashtirish, saqlash, qayta ishlash va almashishni ta’minlovchi yagona axborot tizimi.
Tibbiyot xodimlari, tibbiyot muassasalari ma’muriyati, tegishli davlat tashkilotlari hamda fuqarolar.

Tizimning maqsad va vazifalari

Sog‘liqni saqlash sohasida axborot texnologiyalaridan foydalanish darajasini oshirish. Bemorlarning yagona elektron tibbiy ma’lumotlar bazasini shakllantirish. Tibbiy xizmatlarni ko‘rsatish jarayonlarini raqamlashtirish va avtomatlashtirish. Fuqarolarga ko‘rsatilayotgan tibbiy xizmatlarning qulayligi va sifatini oshirish.

Bemorlar va ularning tibbiy ma’lumotlarini elektron shaklda ro‘yxatga olish va yuritish.

Tibbiy ko‘rik, tashxis, davolash va kuzatuv jarayonlarini elektronlashtirish.

Elektron tibbiy karta va bemorning tibbiy tarixini shakllantirish.

Elektron retsept va dori vositalarini tayinlash jarayonlarini avtomatlashtirish.

Laboratoriya va diagnostik tekshiruvlar natijalarini elektron shaklda yuritish.

Tibbiyot muassasalari o‘rtasida tibbiy ma’lumotlar almashinuvini ta’minlash.

Tibbiy-statistik ma’lumotlarni avtomatik yig‘ish va umumlashtirish.

Tahliliy hisobotlar, statistik ma’lumotlar va boshqaruv uchun zarur ko‘rsatkichlarni shakllantirish.

Boshqa davlat va idoraviy axborot tizimlari bilan integratsiyani ta’minlash.

Tibbiy ma’lumotlarni himoya qilish va foydalanuvchilarning vakolatlari asosida foydalanishini ta’minlash.

Sog‘liqni saqlash sohasida raqamli xizmatlarni bosqichma-bosqich kengaytirish.

Imkoniyatlari

Bemorlarni elektron roʻyxatga olish
Tibbiy yoʻllanmalarni rasmiylashtirish
Elektron tibbiy kartani yuritish
Shifokor qabullari va koʻriklarini elektron rasmiylashtirish