Maqsadi va vazifasi

Davlat xizmatlaridan (elektron davlat xizmatlari) foydalanish va davlat xizmati natijalarini, jumladan tayyor haydovchilik guvohnomasi, identifikatsiya ID-kartasi, xorijga chiqish biometrik pasporti, avtomototransport vositasining ro‘yxatdan o‘tkazish guvohnomasi hamda davlat raqam belgilarini olish uchun vakolat berish;

Shaxsga doir ma’lumotlarni boshqarish va ulardan foydalanish uchun soddalashtirilgan tartibda vakolat berish;

O‘zbekiston Respublikasi rezidenti bo‘lgan barcha yuridik shaxslar tomonidan berilgan ishonchnomalarni ro‘yxatdan o‘tkazish;

Notariuslar tomonidan berilgan ishonchnomalarning amalda ekanligini tekshirish va boshqalar.

Yuridik va jismoniy shaxslar hamda notarial idoralar tomonidan rasmiylashtirilgan ishonchnomalarning haqiqiyligini (muddati, ishonch berilgan shaxslar, sohalar va boshqalar) onlayn rejimda tekshirish;

Davlat organlari va boshqa tashkilotlar tomonidan davlat xizmatlarini ko‘rsatishda hamda ma’muriy jarayonlarda uchinchi shaxslarning vakilligi platforma orqali aniqlanadi va ishonchnoma nusxalarini talab qilish taqiqlanadi;

Jismoniy shaxslar tomonidan ishonchnomalarni ro‘yxatdan o‘tkazish tartibi:

Foydalanuvchi ERI yoki Mobil-ID orqali identifikatsiyadan o‘tadi;
Platformaga kiradi;
“Jismoniy shaxs” bo‘limini tanlaydi;
– davlat xizmatlaridan foydalanish uchun vakolat beradi;
– davlat xizmati natijalarini olish uchun vakolat beradi;
– shaxsga doir ma’lumotlarni boshqarish uchun vakolat beradi;

Vakolat berishda xizmat turi tanlanadi, ishonch bildirilayotgan shaxs ma’lumotlari kiritiladi hamda vakolat muddati (bir martalik yoki ko‘p martalik, maksimum 3 yil) belgilanadi.

Yakunida unikal raqam shakllanadi va ishonchli shaxs ushbu raqam orqali YIDXP yoki Davlat xizmatlari markazida boshqa shaxs nomidan harakat qilishi mumkin.